SIDA LOO DHISO CAADOOYIN GUULEED — SIRTA HORUMARKA NOLOSHAADA

Hordhac

Guusha ma aha wax dhaca hal mar, waa natiijada caadooyin yar yar oo la celceliyo maalin kasta. Qof kasta oo guuleysta, ha ahaado ganacsade, ciyaaryahan ama qoraa, wuxuu leeyahay hal sir — caadooyin adag oo u horseeda guul.

Haddii aad rabto inaad noloshaada kor u qaaddo, baro sida loo dhiso caadooyin guuleed oo maalin kasta kuu dhisaya mustaqbal cusub.

 

1. Bilow Yool Cad

Caado walba waxay ka bilaabataa yool muuqda. Haddii aanad garanayn meel aad u socoto, waxaad ku wareegaysaa meel aan jihayn. Qor yoolkaaga:

“Waxaan rabaa inaan noqdo qof waqtigiisa maamula, caafimaadkiisana ilaaliya.”

Yoolka cad wuxuu kugu baraarujinayaa sababta aad u bilaabayso safarkaaga.

 

2. Ku Bilow Taalabo  Yar 

Dad badan waxay sugaan waqtiga “ugu habboon” ee ay beddeli lahaayeen noloshooda, balse waqtigaas ma yimaado. Guusha waxay ku bilaabataa talaabo yar.

Qofka guuleysta ma sugo kalsooni buuxda, wuu dhaqaaqaa – inkastoo uu weli shaki qabo.

Maalin kasta samee hal talaabo oo yare, balse joogto ah.

 

3. Ku Xidho Caadooyinka Hore

Habka ugu fudud ee lagu dhiso caado cusub waa in lagu xiro mid horey u jirtay.

•  “Markaan cabbo shaaha subaxdii, waxaan qorayaa hal fikir togan.”

•  “Markaan ka soo noqdo shaqada, waxaan socdaa 10 daqiiqo.”

Sidan, caadooyinka cusub waxay si dabiici ah u raacaan kuwa hore, adigoo aan dareemin culays.

 

4. Naftaada Ku Abaal-mari

Markaad guul yar gaarto, ha iska indha tirin. Qofka guuleysta wuxuu yaqaannaa sida naftiisa loo dhiirrigeliyo.

Samee wax yar oo kugu abaal-maraya – nasasho, hadiyad, ama koob shaah ah.

Abaal-marintu waxay maskaxdaada baraysaa in caadooyinku yihiin wax xiiso leh, ma aha culays.

 

5. Diyaarso Deegaan Kugu Fududeeya Yoolkaga

Haddii aad rabto inaad akhris barato, dhig buugga meel muuqata.

Haddii aad rabto inaad jimicsi barato, dhig kabaha meel sahlan.

Caadooyinku ma koraan meel adag, ee waxay koraan deegaan kuu fududeynaya. Deegaankaagu ha noqdo mid guusha kuu xasuusinaya.

 

6. Ku Celceli Maalin Walba

Cilmi-baaristu waxay sheegaysaa in caado cusub la dhisi karo 21–30 maalmood gudahood.

Markaad bilowdo, maskaxdaadu way diidi doontaa isbeddelka, balse haddii aad adkeysato, maalin ayaa iman doonta oo caadadaas ay u noqoto qayb ka mid ah noloshaada.

“Dadaalka joogtada ahi waa furaha guusha waarta.”

 

7. Ku Xisaabtan Naftaada

Maalin kasta isweydii:

•  Ma sameeyay caadadii aan qorsheeyay maanta?

•  Maxaan ka hagaajin karaa berri?

Is xisaabintu waa sida muraayad kuu muujinaysa halka aad ka soo baxayso iyo meesha aad u socoto.

 

8. Sameeyso Saaxiib Horumarineed

Waqtiga ay niyaddaadu hoosayso, qof kuu dhiirrigeliya waa hanti weyn. Saaxiib horumarineed ayaa kaa caawin kara inaad sii waddo safarka, xitaa marka ay kugu adkaato.

 

Gunaanad

Caadooyin guuleed ma dhismaan hal habeen, balse waxay noloshaada si tartiib tartiib ah u beddelaan. Marka aad maanta go’aansato inaad si joogto ah u qaado talaabooyin yar yar, waxaad dhisaysaa nolosha riyadaada.

Ha sugin maalinta saxda ah — maanta bilow. Guushaadu waxay bilaabmaysaa hadda.