Hordhac
Maanta WhatsApp wuxuu ka mid yahay app‑yada fariimaha ee ugu isticmaalka
badan dunida, iyadoo ay ka faa’iideeyaan in ka badan 2 bilyan oo qof.
Laakiin sheekadiisu ma ahayn mid bilowgiiba cajiib ahayd. Waxay bilaabatay
sidii riyo aan la ogeyn inay beddeli doonto sida dunidu u wada xiriirto.
Sheekada WhatsApp waa sheekada labo qof oo aan shaqo haysan, rajo yarna leh,
balse leh hal fikrad oo daacad ah: In dadka la isku xiro si fudud, ammaan
ah, oo aan xayaysiin badan lahayn.
Bilowga: Laba Nin oo Shaqo la’aan Ah
Guusha WhatsApp waxaa ka dambeeya Jan Koum iyo Brian Acton,
oo labaduba ka shaqayn jiray shirkadda Yahoo. 2007‑kii, labadoodii waxay ka
tageen shaqadoodii, iyagoo rajo ka qaba inay helaan fursad cusub oo ay ku
shaqeystaan. Waxay isku dayeen inay galaan Facebook iyo Twitter – laakiin dhammaan
meelihii way ka diideen!
Diidmadaas waxay isku beddeshay dhiirigelin. Jan Koum wuxuu bilaabay inuu
ka fikirayo hal arrin:
"Sidee dadka loogu abuuri karaa app fudud oo aan lahayn xayeysiis, aan
lahayn buuq, oo ay si degdeg ah fariimo isugu gudbiyaan?"
Fikradda WhatsApp Dhalatay
Maalin uu ku sugnaa gurigiisa San Francisco, Jan Koum wuxuu arkay in
telefoonadiisu ay ku jiraan liisyo badan oo xiriir ah, balse aysan jirin app
ula fududeynaya inuu oggaado waxa ay dadkaasi ku mashquulsan yihiin. Halkii uu
ka sameyn lahaa app fariimo dirid ah, wuxuu rabay status app.
Markii uu magaca u raadinayay, wuxuu doortay erey gaaban oo fudud: WhatsApp
→ “What’s up?”
Bilowgii hore app‑ku ma ahayn mid caan noqday, xitaa wuu burburay marar
badan. Laakiin Jan iyo Brian waxay ku adkaysteen — inkastoo aysan lahayn maal
badan, xafiis rasmi ah, ama koox shaqaale oo ballaaran.
Guul aan la fileyn: Fariimaha Bilaashka Ah
Markii Apple soo bandhigtay Push Notifications, Jan wuxuu helay
fikrad dahabi ah:
In fariin kasta oo qof u diro mid kale ay ku soo baxdo ogeysiis toos ah.
Tani waxay ka dhigtay WhatsApp app fariimaha dirida ee ugu fudud
waqtigaas. Isticmaalayaashii yaraa waxay bilaabeen inay saaxiibadood ku wacaan,
ku fariimeeyaan, kana sameystaan kooxo, adigoon u baahnayn lacag SMS ah.
Waxaa bilowday faafitaan dabiici ah, mana jirin xayeysiis ama marketing.
Mabda’a Dahabiga ah
Jan Koum wuxuu had iyo jeer ku celin jiray:
“WhatsApp waligiis ma yeelan doono xayeysiis. Dadka waxaan u rabnaa
xasillooni, ammaan, iyo xorriyad ay si toos ah ugu wada xiriirayaan.”
Mabda’an ayaa ka dhigay WhatsApp mid kalsooni ku dhisa malaayiinta
isticmaala.
Facebook Oo Soo Iibsaday – Heshiis Taariikhi Ah
2014‑kii, guushu gaartay heer aan la aamminsan karin. Markii WhatsApp
gaaray malaayiin isticmaale, Mark Zuckerberg wuxuu arkay saameynta app‑ka.
Waxayna ku heshiiyeen mid ka mid ah heshiisyadii ugu waaweynaa taariikhda
teknoolojiyadda:
Facebook waxay ku iibsatay WhatsApp $19 bilyan.
Laba nin oo shaqo la’aan ahaa, oo mar shaqo looga diiday Facebook, ayaa
hadda noqday bilyaneerro – isla shirkaddii ay mar u shaqo doonteen ayaana soo
iibsatay!
Casharrada Laga Baranayo Guusha WhatsApp
Sheekada WhatsApp waxay dadka baraa dhowr qodob oo muhiim ah:
1. Diidmada ha ka baqin
Jan iyo Brian waxay diidmooyin badan la kulmeen, balse taas waxay ka
dhigtay kuwo adkaada.
2. Fikradda fudud ayaa beddeli karta
adduunka
WhatsApp ma ahayn app adag – waxay ahayd fikrad caadi ah oo si fiican loo
fuliyey.
3. Ujeeddo cad yeelo
Mabda’a "xayeysiis la'aan" wuxuu u dhaliyey kalsooni dadweyne
oo weyn.
4. Ku adkayso shaqadaada
App-ku waa mid dhawaan burburi lahaa bilowgii. Haddii ay quusan
lahaayeen, maanta WhatsApp jiri lahayn.
5. Wax kasta suurto gal bay yihiin
Laba qof oo sabool ah ayaa ka dhigay app‑koodii mid adduunka hoggaamiya.
Gunaanad
WhatsApp waa sheeko guul oo muujineysa sida hal fikrad oo fudud, dadaal
joogto ah, iyo iimaan lagu qabo shaqadaada ay kuu gaarsiin karto meel aanad
qiyaasi karin. Maanta WhatsApp wuxuu noqday aalad maalin walba nolosha qayb ka
ah – laga bilaabo qoysaska, saaxiibada, ganacsiyada ilaa dowladaha.
.png)
0 Comments